Badmintonfélag Akraness var stofnað 11. nóvember 1976. Félagið stendur fyrir æfingum fyrir alla aldurshópa.
Blakfélagið Bresi er aðildarfélag innan ÍA og æfa með félaginu um 20 konur á öllum aldri. Bresi tekur þátt í Íslandsmóti Blaksambands Íslands, Öldungamóti sem haldið er á hverju ári ásamt hraðmótum sem eru jafn og þétt yfir veturinn. Blak er stórskemmtileg íþrótt og er félagsskapurinn ekki af verri endanum.
CrossFit Ægir bíður upp á fjölbreytta dagskrá undir leiðsögn menntaðra þjálfara frá kl. 05:45 til kl. 21:30 virka daga, frá kl. 10:00 til kl. 14:00 á laugardögum og kl. 11:00 til kl. 14:00 á sunnudögum.
Fimleikafélag Akraness, FIMA er eitt af stærri íþróttafélögum innan ÍA. Hjá FIMA eru aðallega stundaðir hópfimleikar (hópíþrótt) en einnig er hægt að keppa í Stökkfimi með þau stökk sem iðkandinn kann/getur að hverju sinni og það eru einstaklingsmót.
Golfklúbburinn Leynir býður upp á öflugt félagsstarf fyrir allan aldur
Hestamannafélagið Dreyri var stofnað 1. maí 1947. Félagsvæðið er Akranes og Hvalfjarðarsveit, þ.e frá Hvalfjarðarbotni að Borgarfjarðarbrú.
Hnefaleikafélga Akraness HAK býður upp á krakkabox fyrir börn 8-14 ára. Auk þess er boðið upp á þrek og þol og sparr og tækni sem er fyri eldri iðkendur. Tilgangur félagsins er að kenna og iðka ólympíska hnefaleika og gæta hagsmuna félagsmanna.
Íþróttalífið á Akranesi er fjölbreytt og nær til allra aldurshópa. Öll aðstaða til íþróttaiðkunar er til staðar á Akranesi og iða íþrótta- og tómstundamannvirki bæjarins af lífi frá morgni til kvölds. Á Akranesi starfar eitt öflugasta íþróttafélag landsins, Íþróttabandalag Akraness
Karatefélag Akraness, KAK hefur það meginmarkmið að bjóða upp á eins góða karatekennslu og völ er á hverju sinni og þroska bæði líkamlegt og andlegt atgervi félagsmanna. KAK býður upp á æfingar fyrir börn frá 6 ára aldri en einnig fyri unglinga og fullorðna.
Keilufélag Akraness býður upp á æfingar fyrir börn í 5.-7. bekk og 8.-10.bekk. Auk þess eru opnar æfingar fyrir ungmenni og einnig er FEBAN félag eldri borgara með æfingar reglulega. Markmið félagsins er að stuðla að iðkun keilu og glæða áhuga á þeirri íþrótt.
Klifurfélag ÍA býður upp á skipulagðar æfingar í klifri fyrir iðkendur frá 5-15 ára. Einnig eru starfræktir sér æfingahópar fyrir fullorðna, sem og hópur fyrir ungmenni á framhaldsskólaaldri.
Knattspyrnufélag ÍA er eitt af stærri félögum innan ÍA og heldur úti æfingum fyrir börn á öllum aldri auk þess að vera með lið í efstu deildum. Markmið og tilgangur félagsins er að iðka knattspyrnu, efling knattspyrnu-, æskulýðs- og félagsmála svo og að stuðla að bættri aðstöðu til iðkunar knattspyrnu á Akranesi.
Knattspyrnufélagið Kári hefur verið starfrækt í núverandi mynd frá árinu 2011, en félagið heldur úti metnaðarfullu liði í meistaraflokki karla sem hefur verið í stöðugri sókn síðustu ár. Tilgangur félagsins er að vera til staðar fyrir þá drengi og menn sem vilja stunda knattspyrnu hér á Akranesi í metnaðarfullum og skemmtilegum hópi.
Tilgangur Kraftlyftingafélag Akraness er að kenna og iðka kraftlyftingar og gæta hagsmuna félagsmanna. Félagið leggur áherslu á að félagsmenn keppi eftir þeim reglum sem gilda hjá Íþrótta- og Ólympíusambandi Íslands hverju sinni.
Körfuknattleiksfélag ÍA býður upp á æfingar fyrir börn frá 1. og upp í 10. bekk. Einnig er boðið upp á æfingar í drengja- og unglingaflokki auk eldribolta fyrir eldra komna. Félagið heldur einnig úti meistaraflokki karla.
Siglingafélag Akraness Sigurfari er ætlað að vera sameiginlegur vettvangur sem flestra sjóíþrótta, hvort sem notast er við ár, segl eða vél. Markmið félagsins er að iðka siglingaíþróttir og stuðla að bættri iðkunaraðstöðu.
Markmið Skotfélags Akraness er að iðka skotfimi, glæða áhuga á þeirri íþrótt og stuðla að bættri aðstöðu til iðkunnar hennar. Skotfélag Akraness er með aðsetur við rætur Akrafjals.
Sundfélag Akraness stendur fyrir fjölbreyttu starfi fyrir börn og fullorðna.
Vélhjólaíþróttafélag Akraness , VÍFA var stofnað 23 .maí 2006 og er félag fólks sem hefur áhuga á motocrossi og fjórhjólum.
Badmintonfélag Akraness var stofnað 11. nóvember 1976. Félagið stendur fyrir æfingum fyrir alla aldurshópa. Æfingar fara fram í íþróttahúsinu á Vesturgötu 130 á Akranesi.
